Шойжулчап Кыргыс Чамянчапович Качык сумузунуң хүндүткелдиг өгбези чораан. Ол оран-тандызынга тейлеп, чүдүп, сүзүглеп чурттап чораан болгаш, ооң ажы-төлү, салгалдары - Шойжулчаптарның аймак-чону ада-өгбезиниң чуртун ээлеп, буурул өгбезиниң дагып чорааны Ыдыктыг Баян овааны дагаан. Дагылга-байырлалга Качык сумузунуң көдээ культура одааның ажылдакчылары ыры, самын бараалгадып, эрттиришкен.
Шойжулчаптарның аймак, төрел-чонунга культура ажылдакчылары чылыг, чымчак сөстерин сөглеп, кады демнежилгелиг чер-чуртун сайзырадыр сүзүглелдерни адап, өгбениң салгалдары чүдүп чоруурунга болгаш чонну эвилелдеп, байлак оран-чуртун камгалап, кадагалап, сүзүглеп, тейлеп, чалбырып, улуг номналын номчудуп, саң салырының езулалынга идепкейлиг киришкеннер. Кыргыс Чамянчапович үш оол үш кыстарлыг чораан. Ам ол ажы-төлү, салгалдары өскеш, 143 кижи санныг чедип, өгбениң изин салгап, чер-чуртун дагып, чалбырып, тейлеп чоруурлар.
Ыдыктыг Баян овааны дагаан байырлал
11 Авг.
